睇下海洋个论坛，唔难发现佢完全就系一个失败嘅论坛！
睇下海洋嘅两大主题：文化、文学！
文化：我承认自己对广州文化了解得太少，根本就冇资格去做呢个主题，自己都唔了解嘅嘢，点样向人哋宣传！？真系失败得非常可笑！！以为只系堆砌啲资料性嘅嘢，完全冇自己嘅内容，就算啲人见到，都唔会被主题所吸引而加入。
文学：无言！论坛主力居然系从一个文学版出嚟嘅，但系睇个嗰两个版已经几耐冇更新！？呢几个月嘅新文章，系我拉过嚟嘅人写嘅……而家好似已经停止咗。
其他版，水版主题唔多，基本都系一啲转载＋啲纯水，之后就系版聊！
我唔会反对灌水！！
只不过咁水法，新会员根本无法进入，5年来，海洋从来都冇脱离过fx嘅阴影！！
400讲得好，如果唔系之前同我倾过一轮，熟咗，佢绝对唔会喺海洋发贴！！
百家之长应该系个好地方，可惜，好多发贴者都以自己嘅标准嚟转载文章，都啱嘅，既然系收藏夹，梗系贴自己认为有价值嘅文章啦！！
其实海洋嘅问题，可能只系我个人嘅问题啫！有啲问题处理得太失败！！
虽然我嘅目标只系保留海洋，令佢继续存在，但我唔希望，我做个文学、文化论坛只系俾人灌水嘅。
再咁落去，海洋只能再次改版，沦为一个完全嘅小型娱乐论坛，毫无特色可言，苟延残喘咁生存喺呢个虚拟又真实嘅网络世界！！