今日下午放工，黎可能感觉到我心情唔多好，就问我佢系咪态度好差。
我好愕然，净系回答“少少啦”，佢居然话“直情係啦，重闹鬼你”。
哼，终于知道啦咩！
虽然我知道佢係有心培养我哋，希望我哋可以早啲可以自主工作，但系未免有啲揠苗助长。
而且工作职责不明都系一个好麻烦且难解决嘅问题。
我又唔识咩“敌退我进”嘅方法喎，真系死得！
其实我并唔介意蚀底啲，做多啲嘢，因为我觉得我哋就得几个人，大家一齐搞好啲嘢咪好啰。
但系我唔希望我做啲嘢，佢哋就认为呢个系我应该做嘅，而自己就企埋一边乜都唔理。
罢了罢了，调整心态！
今日认识阿don真系唔错，教咗我唔少嘢，都俾我几大嘅鼓励！呵呵！！！