分类： 碎碎念念

加班～

寻晚好夜先瞓，今朝几乎唔知醒，起身异常痛苦，不过都系要去加班。
原本以为要搞成日，点知半日就放人，虽然我啲嘢未做完，不过可以带番屋企做都几好。hoho～

。。。但系番到屋企之后颓废，乜都唔想做……
听日要行街，但系啲嘢未昨晚，哇，抓狂＋焦虑！！！
听日早啲起身做啦，郁闷！！！

海洋改版啰，辛苦晒各位啦！！

加班！

真系搞唔掂，要加班，严重郁闷！！

今晚同玫玫、晓佳一齐食饭，好耐都冇咁开心过啦，同朋友一齐果然係最轻松嘅，呵呵……

真的搞不定，要加班，严重郁闷！！

今晚跟玫玫、晓佳一起吃饭，好久都没试过这么开心了，跟朋友在一起果然是最轻松的，呵呵……

听日搞唔掂就要加班

寻日匆匆忙忙去买咗部手提，准备下星期开会用嚟俾啲领导睇重要资料。
我呢几日嘅任务就系搞掂个网站，然后成个转移落手提度。
今日一日都喺度舞部手提，真系搞死人，居然分区搞到盘符错乱，光驱变成D盘。安装php环境嘅时候提示揾唔到D盘（或D盘不可写），无法继续落去，郁闷死！
后来搞咗一轮先搞掂啲盘符，终于装好个环境。

将成个网站从ftp拉咗落嚟，打算喺自己部机度搞掂再转移过去，点知n多阻滞，郁闷！
听日要全力以赴搞掂佢先得，如果唔系为咗赶工，今个周末嘅休息就冻过水啰！

下周会出去开会，消失一晚！嘿嘿～～
希望唔好遇上唔好嘅嘢啦～汗～～～

重重复复……

每日我被上级强我所难，然后我去强人所难；晚上我去强人所难，要人哋去强其他人所难！
重复啊重复，可怕嘅重复！
咁样究竟係意味住我其实係中意我份工作，定系意味住我唔中意做论坛呢？
谂唔掂……

对唔住大家

貌似问题出喺我身上，谂法转得太快，令人无所适从！
本来谂住海洋要改版重新搞，浪费咗大家咁多精力去谂，我又突然话唔搞，点睇都系我嘅错，过于情绪化！
但事实上真系咁咩？
细谂落去，对于海洋而家啲“土著”嚟讲，可能海洋会係佢哋嘅最后归属（希望我唔系自视过高啦），其中一个原因就系海洋人少，人员组成单纯。如果海洋要壮大，必然会打破而家呢种平衡，于是，海洋不再海洋。另一方面，论坛要发展，需要好多精力同时间，我可以瞓少啲谂多啲，但系大家未必会，毕竟上网咁多年，做版主、管理员嘅热情同激情大不如前，上网只系为咗轻松，无谓每日逼自己去报到，被要求发几多贴做几多嘢。
其实我咁样，最对唔住係400，同佢倾咗好多嘢，嚟到我呢度就无法执行。唉！
总之最后一句话，对唔住为咗今次海洋改版而尽过心尽过力嘅每一个人。

前后台权限abg都有嘅，海洋係保持现状定系少作修改，抑或大规模改动。我唔过问，尊重你哋嘅决定同意愿！

继续杀php168

php168已经研究到咗一个阶段，差唔多已经可以应用了！
不过有个好严重嘅问题，新版本删除咗自带嘅访问量统计，想叫大家自己去申请计数器，但系mambo上嘅访问量统计嘅原始数字又好重要，而家就要谂办法将类似mambo咁样嘅访问量计数器移花接木咁移过去php168上，郁闷，暂时未谂到方法，自己变成技术又唔得，又揾唔到人帮手……
严重郁闷！

海洋改版已经提出咗一个多星期了，依然未实施……
方向係应该记住嘅，唔好净系改咗个壳冇改到个芯……

杀php168

今日终于基本将php168研究通，可以开始整框架了，我需要嘅功能比较简单，所以好多嘢都唔需要去接触，悭番唔少工夫，呵呵。

听日开始消失3日，希望海洋改版顺利啦，哈哈！！