唱好嘅出现，令我见到广州文化嘅一线曙光，“用音乐嚟包装广州文化”嘅理念的确好新颖。
听讲最近和黄出咗一只好似可乐咁嘅凉茶，饮落嘅口感同可乐冇乜区别，但却有凉茶嘅功效。
呢两者真系异曲同工，妙！
两者相比，我觉得和黄略胜一筹。
“可乐”嘅理念非常有新意，同时可以吸引好多年轻人，呢个系第一步，其实唱好都成功咗。
第二步，啲人饮咗之后，凉茶嘅功效发挥到出嚟，达到咗清热降火嘅目的（虽然是药三分毒，但佢哋嘅营销理念真系非常一流）；而唱好，啲人只知道东山少爷，知道只碟系“唱好广州”，但却无法真正理解天线音乐嘅内涵（我承认我自己都未必真正follow到……），只将少爷当作普通明星嘅去追捧。唔知天线见到之后会作何感想呢？
海洋宣传广州文化唔系我提出嘅，虽然呢个位已经定咗成年几，但一直都冇乜成效，因为海洋连第一步都未行出去，比唱好慢咗何止一拍……
其实广州文化由边个论坛去宣传我觉得都冇所谓，最紧要就系可以真正得到发扬……
死，太眼瞓，唔知写咗乜，同埋写唔落去添，下次再修改啦………………