今日又俾黎话咗一轮，我承认喺嗰个问题上我的确谂得唔够透彻，冇作进一步考虑，但系我係新入行，而且掌握鼠标嘅係佢，我根本未嚟得切睇清下面嘅信息作为考虑问题依据嘅时候已经俾佢闹。
我真系唔知点讲好，可能系我真系悟性太低，咁耐都未入局啩。
于是，原先安排今日要做嘅嘢，一概唔做。反正又冇时间限制。
又讲到打印机嘅问题，黎问几时去整好，我故意唔出声，本来办公室嘅嘢我就係『协助』，我已经做咗好多啦，黎都唔谂下，究竟分工係点嘅，见到人就捉去做嘢，完全唔谂下咁落去，之点样做好佢嘅“主任”，算啦，反正佢觉得佢ok就得啦，我永远就做嗰个俾人老点嘅白痴！
上到海洋又见到啲唔想见到嘅嘢，更加冇心情！
好多时觉得自己坚持海洋嘅存在係为咗乜。
海洋係靓仔嘅心血，係佢曾经存在嘅见证，我当然唔可以俾佢消失。
讲真，海洋而家嘅状况，如果我系新人，我都唔想留低。
而家新加入嘅，wasabi、阿don、猫小猫……我唔知佢哋几时会厌倦，希望唔会好快啦。
有一个人我系应该多谢嘅——Vxx。
虽然出品唔多，但係出亲好多都系精品，而且都系系统性咁整理资料嘅，睇得出用咗唔少心机。
当然重有其他……
我系巨蟹，我想缩番入自己嘅壳中，完全唔理周围……
睇动画、上论坛、上QQ……
疯狂刷新论坛，喺QQ好友度上下滚动好多次，依然无法揾到令我提起精神嘅嘢。
于是关QQ，开播放器，将硬盘内所有歌拉入嚟，瞓低听歌……
嗯，咁都几好啊……