终于冲完凉，整理好思路～
决定以后要屏蔽晒啲唔开心嘅记忆，最多过滤、总结之后引以为戒就算啦。
博客都系写番啲轻松嘅嘢比较好。呵呵～
今晚同玫玫、拿拿去食久违嘅牛肉店，虽然比起记忆中嘅味道都系差咗少少，但系都已经好满足。
然后逛好又多，买多啲久违嘅零食，咔咔！重买咗一支彩漂。唔记得买洗衣袋添，我果然係白痴！
今日趣闻：今日搭186到总站落车，有个着黄色背心嘅男人一落车就伸手去拖隔篱同样着黄色衫女仔嘅手，点知个女仔愕然缩咗番去，我以为两公婆嗌交添。后来个男人回头，好尴尬咁发现嗰个唔系佢女友。呢个时候有个同样着黄色衫嘅女仔从我后面快步行上去，两个拖住手过马路。我极度想爆笑，但系嗰个男人好尴尬咁周围望，搞到我极度唔好意思……强烈忍住！！
喺好又多外面嗰条步行街上面，我见到一只非常引人注意嘅狗。
佢好细只，瘦瘦咁，但系佢主人同佢着咗一件黄黑相间嘅小蜜蜂衫，背后重有对翼，异常可爱！呵呵～～