H2

啱啱同某人讨论关于海洋运作嘅嘢，感慨良多，佢有好多point都讲中咗海洋嘅弊病～
资料库、小团体、来自飞星、各书影子等等，都系我哋呢群人，包括我在内思想中根深蒂固嘅谂法。

其实海洋究竟想往边个方向走呢？
一开始嘅时候只想有个论坛，后来就想有个俾大家水嘅地方，再后来唔想浑浑噩噩，于是决定行文学路线，再后来加上广州文化嘅主题……到而家……
如果话係探索期，海洋嘅探索期未免过长……

讲讲下，又难免同唱好去比较，对比嘅时候我谂起H2。
棒球爱好会只是一群贪玩分子没有目标所建立的小团体……
其实海洋咪又系咁，冇目标，只系满足我哋自己嘅要求，有个吹水嘅地方。
所谓资料库，只不过係唔想海洋变成一个纯水嘅地方，揾啲嘢嚟呃下自己……
越係咁谂，就觉得自己越係不知所谓，每年用咁多钱，都唔知做咗啲乜……
有时重因为冇人上来发贴而大发脾气，真系可笑，哈哈哈！！！

唔谂住，头好痛，准备答辩……

启示

唱好嘅出现，令我见到广州文化嘅一线曙光，“用音乐嚟包装广州文化”嘅理念的确好新颖。
听讲最近和黄出咗一只好似可乐咁嘅凉茶，饮落嘅口感同可乐冇乜区别，但却有凉茶嘅功效。

呢两者真系异曲同工，妙！

两者相比，我觉得和黄略胜一筹。
“可乐”嘅理念非常有新意，同时可以吸引好多年轻人，呢个系第一步，其实唱好都成功咗。
第二步，啲人饮咗之后，凉茶嘅功效发挥到出嚟，达到咗清热降火嘅目的（虽然是药三分毒，但佢哋嘅营销理念真系非常一流）；而唱好，啲人只知道东山少爷，知道只碟系“唱好广州”，但却无法真正理解天线音乐嘅内涵（我承认我自己都未必真正follow到……），只将少爷当作普通明星嘅去追捧。唔知天线见到之后会作何感想呢？

海洋宣传广州文化唔系我提出嘅，虽然呢个位已经定咗成年几，但一直都冇乜成效，因为海洋连第一步都未行出去，比唱好慢咗何止一拍……
其实广州文化由边个论坛去宣传我觉得都冇所谓，最紧要就系可以真正得到发扬……

死，太眼瞓，唔知写咗乜，同埋写唔落去添，下次再修改啦………………

郁闷

论文定稿日期将至，但系院长叫我改嘅部分係一个瓶颈，数据我冇办法攞到，唔写上去确实文章论据证明力唔够，但系又揾唔到呢方面嘅资料，真系唔知点算好……

佢哋啲人已经喺度为论文格式、封面、目录烦恼，而我就依然烦恼紧论文内容！！！！点算啊～～～～

营销

死人四眼仔，一上来就打击我，不过我边有咁易被打沉啊！？呵呵～
旧年佢一样咁打击我，海洋咪又系咁生存咗一年！？而且有一班一直支持海洋嘅忠心会员喺度，我心都安定好多，而且而家重有唱好……咔咔……

寻晚四眼仔提出咗“营销”，用营销嘅理念去推广论坛。
呢个提法我一年几之前已经提过，当时啱啱学营销，满腔热情咁，谂住做对象分析等等等等，再作调整，结果都系苦于冇人回应，呢个谂法最终都系胎死腹中，不了了之。

如果用营销嘅方法去推海洋，应该点做呢？
乐乐话要先确定目标——其实从海洋转型为“文化”开始，佢已经提出“目标”了。
不过我自己始终觉得，营销係“顾客需求理论”，应该从顾客即系对象嘅角度去着手，而唔系我哋自己嘅目标。

但系反过来讲，营销嘅理念似乎又唔适合用喺海洋上。
因为海洋嘅主题係“文化”，好难符合宣传对象嘅需求，只系我哋要将我哋嘅嘢宣传俾人，思路同营销都系有差别嘅……

郁闷……

工作需谨记～

1、“勤工俭学”思想要不得，无论给多少钱都叫做“补助”。

2、自己内部的操作方式没有必要对别人交代，无论我们内部如何做，我们自己知道即可。

3、还没有拍板的事情，不能对外说出。

4、工作机密，/bz

……以后继续补充……