最近听到一个噩耗：桂林米粉执咗！
顿时觉得好失落。
嗰间桂林米粉原先开喺中学附近，从初二就开始一直开住，虽然店面好简陋，但唔妨碍大家对佢嘅热爱，当时好多人宁愿等位都唔愿意去隔篱嗰间快餐店食，令到隔篱快餐店有好大意见，经常以呢样嗰样嘅理由嚟找下麻烦。
中学毕业后，原本以为冇咩机会再去食。
但系因为佢包含我中学咁多年嚟嘅记忆，对佢念念不忘，到咗大学，偶然会番去重温旧时嘅味道。
同我一齐去食过嘅，都系我认为最亲近最知己嘅人。
大家都对佢赞不绝口，虽然后来佢搬咗去华工正门，重新装修咗一番，但系价钱依然冇变，分量依然充足！
而家，物非，人亦非！