今朝起身加班，时间同平时一样，不过起得比平时辛苦，唉，毕竟係周末，加啲心理唔平衡嘅因素！
好在上午啲嘢都好快做晒，11点几可以闪人。
某女玫寻晚诱惑我去佢屋企食午餐，突然灵机一动，可以顺便去广E揾人搞掂听日啲嘢，哇哈哈哈，于是先去晓港交代听日嘅嘢，再倒番去某女玫度，同某女佳重有某男拿一齐食饭。
成功偷懒，开心，咔咔咔！！
听日终于可以瞓懒觉啦！！！！！
饭后睇完恒嘅婚礼，感动、感触，不过貌似重未有咩欲望，汗！
去咗天河行街，之前工作＋夜晚沉沦，搞到有啲虚脱，好多时入到店铺怂恿佢哋睇耐啲，我趁机坐低休息，嘿嘿！！奸诈狡猾！！
我哋几个真系几行得，行到成8点，本来即将作鸟兽散，点知抽起条筋想剪头发。
于是继续抽筋沿住天河南一路一路揾到体育东路，喺n间发廊外面徘徊n次（唔知有冇被当作可疑人物呢？）之后决定去某间。。。。
点知因为啲师父剪头发真系一条条咁剪，嗰个咁样嘅时间居然重十分旺，n多客人，等等下，剪完都成11点啦。冇车搭，唯有打的番屋企！哇，真系高成本，郁闷！！
今日同玫、佳一齐，真系爆笑咗成日。
哇哈哈哈，开心～～