今天小佳燕尔，很没战斗力地吃了一顿很爽的自助餐（灰常感谢～～～），席间小佳突然问起：“为什么形容远，要用‘冇雷公咁远’？”顿时哑然呆立状！
回来以后突然纠结起这件事，于是百度到赤獸仔的这篇文章：
話說早幾日有個姓朱，名感春嘅人問起我，“冇雷公咁遠”呢句話系點嚟嘅，咁我米返公司同啲同事就呢個問題吹水囖，啲人又話神話，又話傳說，仲有人話系番鬼話譯過嚟嘅添。後來老總過嚟加把嘴：“其實‘冇雷公’本來應該叫‘舞蕾宮’，系一座傳說中嘅宮殿。因為啲人聽就聽得多，但冇人真系去過，所以就以為呢座宮殿喺好遠嘅地方，於是就有‘舞蕾宮咁遠’呢句話喇！”
老總就系老總，講句話都有水平過人，系呢啲咁嘅情況下，我哋梗系起勢咁擦距鞋喇。不過一樣米養百樣人，梗系會有啲唔識時務嘅人，有條粉腸頭先冇乜出聲，對住部電腦扮曬鬼咁，等我哋擦完鞋就扮曬代表咁話：“我啱啱系網上面查到啲嘢，喺清朝屈大均嘅《廣東新語·天語》度有‘冇雷公咁遠’嘅解釋，佢話‘北方有無雷之國，南方熱，有無日無雷之境’，即系話北方有個唔打雷嘅國家，南方又有個冇太陽又唔打雷嘅地方，不過都冇人去，應該喺山旮旯咁遠！”
老總聽完塊面都黑埋，問條粉腸知唔知楊修點死嘅，粉腸話楊修系俾曹操害死嘅，因為曹操忌才。老總就話：“檔案室個主任啱啱辭咗職，你識咁多嘢，就調你過去啦！”
其實，曹操之所以要殺楊修，唔系因為佢忌才，而系楊修唔識時務就真。聽講公司準備折埋檔案室，我諗條粉腸都系時候搵過份工囖。。。
注：以上辦公室情景純屬本人虛擬，除典故內容外，人物事件均為虛構。