分类： 碎碎念念

嗯，好多日冇写过日记啦。

呢排喺度做啲乜呢？似乎冇咩动力，但系啲工作又逼住去做，认真郁闷无奈！
假期即将进入后半段，突然觉得好郁闷，啊，重有一半嘅时间就要番工啦……
长假之后，就系无尽嘅工作深渊，无法抽身！
进入后半段，要着手搞个页面啦，但之未发俾我，唔知佢几时先搞掂呢！？

唉，心情依然唔多爽～～
算啦，唔多讲，混乱中～

今日好似过得好平淡添。

下午佢哋出咗去，又得我一个，又蛇王，哈哈哈～

放工等咗几部车先上到，个C人司机，突然急刹，搞到全车人向前扑，俾人狠狠咁踩咗一脚。郁闷～
好彩唔系好痛啫～

听朝要去饮茶，痛苦啰，又要早起！

过咗两日消遥自在嘅日子，听日又要重新打起精神啦！真无奈。呵呵～
冇得挂Q上论坛吹水～

不过而家pw有股令人不安嘅气氛，好多嘢唔讲得，要慎重讲……
所以而家上去都好攰～
睇嚟都要重新揾个冇人识同埋唔识人嘅地方去浦啦。

今日买咗个包包，嘻嘻！
我果然够勤俭节约，唔到最后关头都唔买……
好贵贵啊，心痛。突然觉得自己好似守财奴添，汗～～

夜晚搭车番屋企，发觉广州真系一个好靓嘅城市，繁华但唔浮躁，古老但有活力～
好中意广州～～

今日依然痛苦：肚屙＋胃痛＋头痛＋喉咙唔舒服

今晚被放飞机……-_-；
番到屋企突然心情烦躁！！

寻日唔记得写：喺放工嘅车上见到中国民工版的阿西奥！！！实在非常厉害！！
P.s，唔知阿西奥係边个嘅，算罢啦！觉得个名好熟，谂唔起係乜水嘅，去温习《热带雨林的爆笑生活》，并朝拜布大人一百下～～

今日真系tmd唔爽，番工同放工嘅车都要等足3部先勉强上到，而且一路塞车，摇嚟摇去，摇到我全身都散晒……
个胃一日都隐隐作痛，寻晚又瞓得唔好，头又晕晕地～
喉咙唔知点解从寻晚开始有异物感，惨啊！！
呢种情况喺下昼放工嘅时候突然加剧，严重无奈，企得太耐，条腰又痛到死……
番到屋企，成个人都散晒，食完饭之后胃痛、头痛、喉咙都好好多，喺床度摊咗一阵，终于精神番少少……

我系咪铁打咖呢？
其实我唔系铁打咖！
只系好多时我都可以尽我能力去死顶，因为未到极限。
以前出礼仪嘅时候，无论脚几痛，都要忍住，保持笑容、仪态，可能就系因为咁，所以锻炼咗出嚟……
阿妈啊，其实我都好辛苦咖～～@_@

今日黎叫我唔要在意佢讲嘢嘅态度，关键係内容。
我谂，我究竟做唔做得到呢？
要做到咁样，境界一定要好高先得，我谂对于我嚟讲，真系非常困难啦！

前两日佢又话中学係定型嘅时候，话我中学时候一定经历过啲乜，回想中学，真系冇发现有咩特别喎！
有咗几次上台表演，以至于大一时候呃咗几个社团干事番嚟做；考过全级第一，令班主任跌破眼镜；……好似真系冇咩特别。
我唔多出声、唔多注重外在都唔系因为中学啦，小学时候更加唔出声添……

有时觉得，做嘢就係做嘢，如果彼此距离太近，就好容易松懈，冇心机去做，所以都系要保持适当嘅距离，当然，有时有啲困难我都应该提出来嘅……

唉，我重系不称职嘅员工啊！怪得边个！！

今日同玫、拿、佳去咗食pizza，饱而且滞！
谂起都怕怕……
啲小姐态度又真系几麻麻……

下午去咗KFC买一杯细汽水等玫佢哋，个小姐居然直接俾个杯我就算，唔好话盘，纸巾都冇张，冻到我只手咩咁！！恶劣！！

好似好耐冇写过嘢啦，前几日因为服务器问题，上唔到同时都冇乜心机。

嗰日喺车上反省咗一下，发觉自己都系未够入状态，应该重有发挥空间嘅，但投入唔够，所以做得唔够好。
系咪我对自己要求过高，造成心理压力，又因为有压力而成日逃避，于是造成唔认真对待嘅现象。
其实我系好想认真做嘅，但真系比较缺少啲经验，所以考虑嘢真系考虑得唔够深入，无奈。

今日收到幅设计嘅海报，都做得唔错啊，唔知佢哋点睇呢～呵呵～～

今日一日都好无聊，唉～～
海洋唔稳定，400又冇上嚟，冇心机搞～
动画嗰啲又冇乜兴趣，pw站长区又唔去得……

20号晚开始，海洋所在服务器被大规模攻击，知道寻晚先搞掂，加上域名解析时间，整整用咗两日有多！
实在唔明白，呢啲咁样嘅恶性竞争行为，点解啲人都做得出？为咗钱？钱唔系咁揾咖！

从呢两日嘅状况睇出，只要係idc，公布咗地址嘅，都遭到不同程度嘅攻击，搞到人心惶惶。前排心情唔好，去pw水咗一排，调节番。而家就要被迫离开，都咪话唔无奈！唉～～

海洋而家虽然恢复咗，但系服务器依然係被攻击中嘅，有时速度会异常咁慢。真系郁闷！！

唉～～

几日冇写日记啦，好似冇咩动力……

寻晚去咗小学同学聚会，毕业十周年啦，好多嘢都重记得，又有好多嘢已经忘记！
啲同学都大个咗，变晒靓仔靓女，但系当年意气风发嘅老师年纪都大啦，听讲而家在校嘅老师，我哋认识嘅净番5个左右。不得不感慨，岁月无声！
我哋已经唔系当年污糟邋遢、调皮捣蛋嘅细路，个个意气风发，大有一番作为咁样！

今日又去咗搞志愿团嘅嘢，上午瞓觉，下午搞志愿团，基本上一日就咁冇咗，真系无奈！
晚上同某团友倾工作，居然搞到佢手机话费用完，真系对佢唔住啰！！！
重谂住问下佢关于百花冢嘅嘢添，都冇问到，呵呵～

发觉听人讲工作嘅嘢，都可以成为我工作嘅动力来源，都唔错啊！
睇下其他人点，对比下我自己，的确唔可以太消极！
如果冇咗工作热情，啲嘢係冇可能做得好咖！