最近由于某石头的缘故，这句话成为红遍大江南北的一句口头禅。而我们这些经常“顶”来“顶”去的广州人，到底知不知道这句话是什么意思呢？
百度了一下，发现最多的是某个不知道什么人总结的3种意义：惊讶、不满、口头禅。个人感觉不是这么回事，于是继续搜索，经过筛选，看到一篇文章，作者解释了这句话的意义，我觉得可以接受：
广州人都很懒，能用一个字的都不会讲两个字，例如“乜嘢”（什么）合成一个“咩”字，这点有点类似网上语言的“表”表示“不要”。如果按照这个思路，“肺”也是由两个字合并的话，那应该就是“块”和“閪”（閪＝bi）字了（迫不得已讲脏话了）。“块”声母是f，“閪”的韵母是“ei”，两者结合，音近“肺”字。
图片展啲资料真系玩死我，一日对住，人都短命几年，但唔咪熟啲资料我自己又做唔出，真系晕！
本来谂住夜晚番嚟屋企继续做嘅，但成个人都冇晒力，索性玩游戏算数……-_-；
一晚就通咗大富翁6嘅关，哈哈哈哈……
唔得，好眼瞓！！！
BS这样的人：为免自己麻烦，去制造别人麻烦！
唔掂，太过眼瞓啦，本来有好多嘢想写嘅，都系瞓咗先算……
911果然系个不得了嘅日子。
pw上因为空间问题嘈到七彩咁！
我负责水，一于好少理，净系灌水算啦。呵呵～
今日都算郁闷啰，居然咁管理法，真系少见＋无奈＋无聊！
难怪佢之前搞唔成企业啦，叻都冇用。
终于冲完凉，整理好思路～
决定以后要屏蔽晒啲唔开心嘅记忆，最多过滤、总结之后引以为戒就算啦。
博客都系写番啲轻松嘅嘢比较好。呵呵～
今晚同玫玫、拿拿去食久违嘅牛肉店，虽然比起记忆中嘅味道都系差咗少少，但系都已经好满足。
然后逛好又多，买多啲久违嘅零食，咔咔！重买咗一支彩漂。唔记得买洗衣袋添，我果然係白痴！
今日趣闻：今日搭186到总站落车，有个着黄色背心嘅男人一落车就伸手去拖隔篱同样着黄色衫女仔嘅手，点知个女仔愕然缩咗番去，我以为两公婆嗌交添。后来个男人回头，好尴尬咁发现嗰个唔系佢女友。呢个时候有个同样着黄色衫嘅女仔从我后面快步行上去，两个拖住手过马路。我极度想爆笑，但系嗰个男人好尴尬咁周围望，搞到我极度唔好意思……强烈忍住！！
喺好又多外面嗰条步行街上面，我见到一只非常引人注意嘅狗。
佢好细只，瘦瘦咁，但系佢主人同佢着咗一件黄黑相间嘅小蜜蜂衫，背后重有对翼，异常可爱！呵呵～～
今日严重唔开心，郁闷咗半日，真系要我做编辑不如攞我条命啰。（其他唔讲啦，多谢一直支持、关心我嘅咁多位……）
重要头痛，惨，应该係呢几晚吹风扇冻亲，要注意下先得。
今晚pw班人傻咗，又玩摆人上台嘅游戏，严重无奈。
重有人注册“lyn ”嚟扮我，寒……
不过感觉好似当年喺fx咁，平时太郁闷，玩下摆人上台都唔错嘅。呵呵～
水嘅时候应该可以同啲人熟啲，以后有问题问起身啲人都回答得爽快啲啦。
我好似好奸咁，咔咔～
今日差啲讲出辞职！
感觉心理已经到咗极限，到咗出问题嘅临界嘞，可能好快要去见老邱……
其实我唔多记得今日究竟发生咩事，令到我咁嬲。
隐约记得系因为展览嘅内容争执。
我谂虽然我系比较脆弱，但不至于俾人咁打击一下就会打沉。
入嚟之后，根本冇受过正式嘅培训，首先黎灌输嘅思想我无法接受，有啲手法确实比较精明，但更多嘅系“不厚道”，而且经常令我分唔清佢嘅性质，公益、互益or私益？
口口声声同我讲人力资源，但人力资源嘅嘢佢自己以实践咗几多？
今日系因为佢对展览内容不满，但我见佢分明冇认真睇过人哋嘅嘢，唔知佢何来不满。
（重随随便便修改人哋嘅嘢，其实佢自己改嘅系错嘅，可见其实佢都系打肿脸充胖子而已）
然后话我，作为组织者、领导者，应该点点点，唔应该点点点……
我理解能力实在太低，于是问佢究竟问题出喺边，佢自己又讲唔出，话唔系细节问题。
其实啲内容已经系根据佢当时嘅要求重新排过嘅，即大方向应该都系按佢要求，佢只系睇完大标题（10几页嘅内容居然1分几钟“睇”晒）就话人哋做得唔啱，唔系过于主观啦咩？
入嚟咁耐，我依然无法跟到佢哋嘅思维，唔知系我嘅失败定系佢哋嘅失败……
应该系我！？
今日我发现，其实我都几适合做办公室工作，琐碎嘅嘢我可以比较有耐性咁完成，而且睇唔到有咩压力。
睇嚟我离开应该系迟早嘅事……
下午黎睇之作嘅“套”历史，大声讲咗句“几好呀，唔错！”重叫我睇，我冇好气咁答咗句“睇过”！
好似我做嘅嘢都系错咗，佢做嘅嘢都系唔错嘅～
花咗咁多时间啃aids，居然换嚟n次嘅“教育”，实在无言。
我唔系十分娇弱嘅人，我唔奢求一视同仁，但求可以适时对我表示一啲小小嘅肯定。
放工一个人行，差啲就流出眼泪，忍住！
番到屋企，要笑！
打开电脑，将唔开心嘅嘢暂时忘记，揾嘢嚟氹自己开心……
连续写咗咁多晚负面嘅嘢，今晚就唔再写啦～
反正该发泄嘅我会自己发泄出嚟～
唔知系夜晚瞓觉姿势唔啱定系中午趴喺度瞓唔好，颈部条筋有啲痛，今晚要用活络油搽下先得～@_@
今日终于成功食到板烧鸡腿汉堡啦，重要成功屈到基去食，哇哈哈哈哈～
真系有成就感！！！
不过嗰间M记嘅板烧似乎麻麻地，唔系太好食，唉～～
关于海洋，今晚发泄咗好多～
我觉得海洋并唔系我嘅心血，而应该系大家嘅心血～
自从决定咗海洋嘅发展方向，海洋就唔应该系我个人嘅论坛，就好似400咁，唱好唔应该佢想点就点，因为有个使命喺度～
即然系大家嘅论坛，广州人嘅论坛，咁咪大家一齐做好佢啰～
我一个人嘅能力有限，精力都有限，我谂海洋上面每一个人都有自己为之而奋斗嘅事，但只要每个人都花少少时间出嚟参与海洋嘅建设，海洋嘅运行同发展将会比而家好得多！！
今日认真无奈，最终都系要我搬部打印机去整。
我唔系善于诈娇嘅人，所以黎可以永远都唔会知道，寻日搬完凉茶之后，今日又搬打印机，我只手系几咁痛苦。
今朝居然按息咗个闹钟继续瞓，发梦，搞到老窦8点叫醒我先起身，重要头好痛……
一日都冇精神，辛苦……
心情唔系几好，觉得海洋好烦，觉得自己做嘅嘢好无聊，唔知为乜。
喺我即将要放弃嘅时候，好在有wasabi同杀手，嗯，如果佢哋都唔再上嚟或者唔再俾到支持我，可能嗰日海洋就会消失啰～～
其实关咗海洋，放个个人嘅博客喺度都几好啊！
好似pw嘅2lee咁～